Kò sí èrí tó kúnjúwọ̀n tó fihàn pé èso soursop ń wo ààrùn jẹjẹrẹ

NÍ ÈDÈ KÚKÚRÚ: O ò ní láti rìn jìnà kí o tó rí awogba ààrùn tí wọ́n ní ó ń wo ààrùn jẹjẹrẹ. Ṣùgbọ́n bí ó ti lẹ̀ jẹ́ wípé ìwádìí lórí èso soursop ń dàbí pé ó lè ní àṣeyọrí nínú, kò sí èyíkeyìí nínú rẹ̀ tí ó ti fi òntẹ̀ lu èso soursop gẹ́gẹ́ bi “ìwòsàn” fún ààrùn jẹjẹrẹ àti pé àwọn kan ti lọ sí ẹ̀wọ̀n lórí pé wọ́n díbọ́n pé ó lè wo ààrùn náà sàn.

Ní oṣù kọ́kọ̀nlá ọdún 2022, ẹgbẹ́ orí Facebook kan tí wọn pè ní The Alkaline Momma gbé fídíò kan síta, tí ó sì ń sọ nínú rẹ̀ pé èso soursop, èso tí wọ́n ma ń sábà ń rí nínú igbó òjò tí ó sì jẹ ẹbí kustard apù, lè ṣètọ́jú ààrùn jẹjẹrẹ.

Àkọ̀rí tí ó wà nínú fídíò ọ̀hún ń polówó ǹkan kan tí wọ́n fi èso soursop ṣe lórí webusite alternative health group. Tí ó tó èèyàn ẹgbẹ̀rún mẹ́fà ti wò.

Àwọn àtẹ̀ránṣẹ́ tí ó ń sọ irú ọ̀rọ̀ yìí ti tàn káàkiri orí àwọn òpó ìkànsíaraẹni, ní ọ̀pọ̀ ìgbà bi ìpolówó àwọn ǹkan tí wọ́n fi èso soursop ṣe. Àtẹ̀ránṣẹ́ orí Facebook kan sọpé èso òhún “lágbára ju kimotẹ́rápì lọ ní ìwọn ẹgbẹ̀rún”.

Irú ọ̀rọ̀ àgbàsọ nípa ìlera báyìí ti ní ẹgbẹ́ tirè lórí Facebook, tí wọ́n yàsọ́tọ̀ láti ma tẹ ìròyìn tí ó ń dàgbà si àti ọ̀rọ̀ tí wọ́n pè ní “èsì ìwádìí àwọn onímọ̀ sáyẹ́nsì láti fi gbe ọ̀rọ̀ tí wọn bá sọ nípa ìlera nídìí”.

Ṣé àwọn ọ̀rọ̀ àgbàsọ yìí ní àtìlẹyìn àwọn onímọ̀ sáyẹ́nsì? A sàyẹ̀wò rẹ̀.

Ìwádìí tí ó ní àmì àseyọrí nínú… lára eku àti nínú ìgò àyẹ̀wò

Èso soursop ni a tún pè ní gaviola ní èdè gẹ̀ẹ́sì, tí a ma ń rí ní igbó òjò káàkiri ilẹ̀ adúláwọ̀, gúúsù ìlà oòrùn ilẹ̀ Asia àti gúúsù ilẹ̀ Amẹ́ríkà, Nínú ìṣègùn ìbílẹ̀, oríṣiríṣi ẹ̀yà ara ọ̀gbìn náà, tí ó fimọ́ èso rẹ̀, ni wọ́n ti lò láti ṣe ìtọ́jú oríṣiríṣi ààrùn.

Ọ̀pọ̀lọpọ̀ ìwádìi ni wọ́n ti ṣe nínú ìgò àyẹ̀wò, tí ó túmọ̀ sí pé wọ́n wo ipa tí ọ̀gbìn náà ní lára àwọn sẹ́ẹ̀lì àti àsopọ̀ ara kànkan, dípò nínú ara èèyàn gangan, Àwọn ìwádìí míràn ti sàyẹ̀wò ipa tí èso soursop ní lára eku àti ẹmó.

Lára àwọn àyẹ̀wò yìí dàbí ẹnipé ó lè ní àṣeyorí. Àwọn ìwádìí àtẹ̀yìnwá fihàn pé ó ṣeéṣe kí àwọn ohun kan lára èso ọ̀hún wúlò láti dènà ààrùn jẹjẹrẹ tí ó ní ṣe pẹ̀lú òróǹró àti ọmú. Láìpẹ́ yìí, wọ́n fihàn pé èso soursop lè yan bí ó se ma dín ìdàgbàsókè sẹ́èlì jẹjẹrẹ kù.

Ní ọdún 2021 àgbéyẹ̀wò èsì ọ̀pọ̀lọpọ̀ ìwádìí fẹnukò pé èròjà èso soursop lè ní àwọn ǹkan tí ó lè nípa tí ó ṣeni lánfààní, léyìí tí dídènà ààrùn jẹjẹrẹ jẹ́ ọ̀kan lára rẹ̀. Ṣùgbọn gẹ́gẹ́ bí àwọn ìwádìí míràn, ara eku, ẹmó, àti sẹ́ẹ̀lì ènìyàn ni wọ́n ti ṣe èyí. Àwọn onímọ̀ sáyẹ́nsì ní ọ̀pọ̀ ìgbà ma ń rí èsì tí ó yàtò tí wọ́n bá ṣe ìwádìí náà lára èèyàn, nítorí náà irúfẹ́ àwọn ìwádìí yìí ni wọ́n kà sí ìwádìí kùtùkùtù tí kìí ṣe kònkárí.

Ìwádìí lára èèyàn ṣọ̀wọ́n. Ìwádìí kan bèrè lọ́wọ́ àwọn tó ní ààrùn jẹjẹrẹ ọmú bóyá wọn jẹ èso soursop àti àwọn ewé àti egbò. Ó rí ìbáṣepò láàrín jíjẹ èso soursop àti díndín ìwọn yíye ààrùn nàà kù lẹ́yìn ọdún díẹ̀. Ṣùgbọ́n èyí kò túmọ̀ sí pé èso soursop ni ó dín ìwọ̀n yíye ààrùn náà kù. Ẹ jẹ́ ká ma rántí ní gbogbo ìgbà pe ìbáṣepọ̀ kò túmọ̀ sí okùnfà.

Ìkìlọ̀ àti ìbániṣẹjọ́ lórí ọ̀rọ̀ tí kò lóòtọ́ nínú nípa èso soursop

Jíjẹ es̀o soursop jẹ́ ohun tí kò méwu dání rárá. “Kò wọ́pọ̀ pé ǹkan mímu tàbí oúnjẹ tí ó ní èso soursop lè ṣeni ní jàmbá tí èèyàn bá jẹ́ mọ̣́ àwọn oúnjẹ míràn,” gẹ́gẹ́ bí àjọ Cancer Research UK ṣe sọ. Ṣùgbọ́n àwọn dókítà ti kìlò pé jíjẹ èso náà lè ní àwọn ipa tó léwu lára àwọn ènìyàn kan bẹ́ẹ̀ sì ni ó lè dín iṣẹ́ àwọn ògùn ẹ̀jẹ̀ ríru àti àwọn àìsàn míràn kù.

Látàrí bí ó ṣe lókìkí tó ní ìṣègùn ìbílẹ̀, ọ̀pọ̀lọpọ̀ àwọn àjọ oníṣègùn tí ó lórukọ ti ṣe ìkìlò nípa ọ̀gbìn ọ̀hún. Ní ọdún 2017, àjọ US Food and Drug Administration ṣe ìkìlò lóríṣiríṣi fún àwọn ilé iṣẹ́ mẹ́rìnlá tí ó ń sọ ọ̀rọ̀ tí kò lóòtó nínú nípa èso soursop àti àwọn ìtójú míràn fún ààrùn jẹjẹrẹ.

Àwọn àjo míràn tí ó mọ̀ nípa ààrùn jẹjẹrẹ náà ti sọpé kò sí òótọ́ nínú àwọn ọ̀rọ̀ tí ó ń káàkiri nípa àìsàn yìí. Lára wọn ni Cancer Research UK, Cancer Treatment Centers of America àti Cancer Association of South Africa.

Bí ótilẹ̀ jẹ́ pé àwọn ìwádìí ti inú ìgò àyẹ̀wò àti àwọn eku àti ẹmó dàbí ẹnipé ó lè ní àṣeyorí nínú, kò sí ẹ̀rí pé èso soursop tàbí èròjà rè míràn lè wo ààrùn jẹjẹrẹ sàn ní ara èèyàn.

Republish our content for free

For publishers: what to do if your post is rated false

A fact-checker has rated your Facebook or Instagram post as “false”, “altered”, “partly false” or “missing context”. This could have serious consequences. What do you do?

Click on our guide for the steps you should follow.

Publishers guide

Africa Check teams up with Facebook

Africa Check is a partner in Meta's third-party fact-checking programme to help stop the spread of false information on social media.

The content we rate as “false” will be downgraded on Facebook and Instagram. This means fewer people will see it.

You can also help identify false information on Facebook. This guide explains how.

Kò sí èrí tó kúnjúwọ̀n tó fihàn pé èso soursop ń wo ààrùn jẹjẹrẹ

Ìwádìí tí ó ní àmì àseyọrí nínú… lára eku àti nínú ìgò àyẹ̀wò

Ìkìlọ̀ àti ìbániṣẹjọ́ lórí ọ̀rọ̀ tí kò lóòtọ́ nínú nípa èso soursop

Republish our content for free

For publishers: what to do if your post is rated false

Africa Check teams up with Facebook

Add new comment

Restricted HTML

Kò sí èrí tó kúnjúwọ̀n tó fihàn pé èso soursop ń wo ààrùn jẹjẹrẹ

Ìwádìí tí ó ní àmì àseyọrí nínú… lára eku àti nínú ìgò àyẹ̀wò

Ìkìlọ̀ àti ìbániṣẹjọ́ lórí ọ̀rọ̀ tí kò lóòtọ́ nínú nípa èso soursop

Republish our content for free

For publishers: what to do if your post is rated false

Africa Check teams up with Facebook

Add new comment

Restricted HTML

Sign up to our newsletter

Want to keep reading our fact-checks?