Ààrẹ orílẹ̀dè Nàìjíríà, Bọ́lá Tinubú kò pàrọ̀ naira pẹ̀lú dollar, wọ́n ti sarúmọjẹ nínú fídíò tí ó ń kákìri tí ó sọ èyí

Ní ọdún 2022, ni wọ́n ṣe àtúntẹ̀ naira ní ìgbìyànjú láti kọjú ìjà sí títẹ owó ayédèrú àti ìṣẹrùbàlú, léyìí tó sokùnfa bí àìsíowó ní oṣù keji ọdún 2023. 

Lẹ́yìn tí Naira bẹ̀rẹ̀ sí ní dínkù níye ní ọjà àgbáyé ní kíákíá, àti pé ní akitiyan láti mú kí iye rẹ̀ má túbọ̀ lọlẹ̀ si, ààrẹ Bola Tinubu ní kí wọ́n ma pàrọ̀ owó ilẹ̀ òkèèrè sí ti orílẹ̀dè Nàìjíríà ní iye kan náà. 

Láìpẹ́ yìí, wàhálà ọ̀rọ̀ pípàrọ̀ owó ilẹ̀ òkèèrè sí ti ilẹ̀ yìí túbọ̀ peléke síi, bí iye naira sí àwọn owó ilẹ̀ míràn ṣe ń dínkù síi. 

Ní ìdí èyí ni fídíò kan tí ó ń káàkiri lóri Facebook ní orílẹ̀dè nàìjíríà ṣe ń ṣo pé Tinubu ní ìpinu láti yí owó orílẹ̀dè yìí sí dọ́là. 

Àkọ̀rí fídiò òhún kà báyìí: “Nàìjíríà ń pinu láti fòpin sí lílo naira tí wọn sì fẹ́ bẹ̀rẹ̀ síní ná dọ́là. President Tinubu ló sọ báyìí. Ìránṣẹ́ lásán ni èmi jẹ́, ẹ má pa ìránṣẹ́.

Ọ̀rọ̀ yìí jáde lórí Facebook ní ibí, ibí àti ibí. 

Ṣùgbọ́n ṣé fídíò òhún ń fihàn pé Tinubu ń sọ ìpinu rẹ̀ láti yí owó orílẹ̀dè náà padà sí dọ́là? A ṣèwamdìí. 

Wọ́n ti yí ọwọ́ padà lórí fídíò kárí ilé yìí 

Nínú fídiò yìí ni Atọ́kun Arise News kan Ojy Okpe wà, ìparí rẹ̀ ní ibi tí ààrẹ ti ń sọ wípé orílẹ̀dè náà yíò pa naira tì fún dòlà ni ó dàbí enipé wọ́n ti sarúmọjẹ sí. 

Bí ètè atọ́kùn ọ̀hún àti ti àarẹ ṣe ń jì kò bá ohùn tí ó ń jáde láti inú fídíò ọ̀hún mu. 

Bákan náà, Arise News ti fi ọ̀rọ̀ léde lórí orúkọ ìdánimọ̀ rẹ̀ lórí X ( tí a mọ̀ sí Twitter tẹ́lẹ̀rí), ó sọpé fídíò yìí jẹ́ iṣéọwọ́ àwọn tí ó ma ń tẹ ìròyìn èké ránṣẹ́,” tí ó sì fi síkírínsọọ̀tì fídíò òhún tí a fi òǹtẹ̀ “FAKE” lù. 

Ọ̀rọ̀ tí wọn fi léde òhún kà báyìí: Arise News ti ya ara rẹ̀ sọ́tọ̀ lára fídíò tí ó ń káàkiri lórí àwọn òpó ìkànsíaraẹni tí ó ń farawé “Ojy Okpe atọ́kùn ètò What's Trending”.

A tẹ̀síwájú si nínú ìwádìí wa, ṣùgbọ́n a kòrí ìròyìn kankan láti ọwọ àwọn ilé-iṣé oníròyìn tí ó dántọ́ ní ilẹ̀ yìí àti ti òkèrè tí ó gbé ọ̀rọ̀ látẹnu ààrẹ lórí ọ̀rọ̀ yìí. Tí ó bá jẹ́ wípé òótó ni ọ̀rọ̀ náà yíò ti jáde gẹ́gẹ́ bíi àkọ́lé ìròyìn lóríṣiríṣi ọ̀nà. 

Ka ìtọ́nisọ́nà wa lórí bí o ṣe lè dá àwọn fídíò èké, tàbí èyí tí ohùn tí ó wà nínú rẹ̀ kò bá ohun tí wó ń ròyìn rẹ̀ mu kí o lè dá wọn mọ̀, kí o má sì ba gbà wọ́n gbọ́ nítorí àìkíyèsára.